Den fyrste song eg høyra fekk
var mor sin song ved vogga,
dei mjuka ord til hjarta gjekk,
dei kunne gråten stogga.
Dei sulla meg så underleg,
så stilt og mjukt te sova,
dei synte meg ein fager veg
opp frå vår vesle stova.
Den vegen ser eg ennu tidt
når eg fær auga kvila,
der stend ein engel, smiler blidt,
som berre dei kan smila.
Og når eg sliten trøytnar av
i strid mot alt som veilar,
eg høyrer stilt frå mor si grav
den song som all ting heilar.
Kilde:”ved sengekanten” T: Per Sivle M: Lars Søraas
This entry was posted on tirsdag, april 7th, 2009 at 23:02 og er lagret under God natt sanger. Du kan legge igjen en kommentar, eller trackback fra din egen side.
